Odet de Foix, seigneur de LAUTREC (1485-1528) général de l’armée du Roi en Italie, gouverneur du duché de Milan ; maréchal de France. Lettre signée avec compliment autographe « le tout vre amy Odet de Foyx », Rouen 6 août [1517], à Jean de SELVE, Premier Président de Bordeaux et Vice-Chancelier de Milan ; 1 page in-fol., adresse au verso avec sceau aux armes sous papier. Sur les affaires de Milan. Monsgr le president Jay receu vostre lettre du xxvme du moys passe ensemble celle que le Roy vous a escripte du xviiime de juing que mavez envoyee par laquelle il vous mandoit que eussez a mettre en possession monsgr le cardinal de Medicis de labbaye de Cheraval [Chiaravalle] Et par vostre lettre mavez bien amplement et au long satisfait ace que je vous avoys derrenierement escript d’Arques touchant la possession de ladite abbaye dont jay este bien aise Et quant a ce point me vous prie faire autre repplicque. Au demourant monsgr le president touchant le fait des Rebelles dont mescripvez derechef par vostredite lettre vous avez veu que je vous en ay escript puisnagueres Et autant en ay je fait scavoir au Sgr Galeas Visconte Parquoy je vous prie tant quil mest possible, que vous et luy vueillez adviser les plus promptement que faire se pourra daccorder laffaire desdits Rebelles et forsyssuz selon le contenu de ma lettre et que le dit Sgr Galeas face euvre de bon subject et serviteur du Roy en cest endroit et de sorte que ledit Sgr congnoisse par effect le destre quil a de luy faire service Et au regard de ses beaux filz lon les traictera si bien quilz se devront contenter Et ce luy pourrez dire de ma part mais quant est du reste desdits foryssus il ne se y peut ne doit faire sinon ce que je vous ay mande Car qui y procedroit autrement ce seroit faire tort aux parties comme scavez. Et je vous laisse penser de quelle importance seroit cela / Derechef vous recommande et aussi audit Sgr Galeas cest affaire et vous prie me faire scavoir ce quil y aura este fait. Priant Dieu Monsgr le President quil vous donne ce que plus desirez. A Rouen ce vie jour daoust, le tout vostre amy Odet de Foyx A Monsgr le premier president de Bourdeaulx vichancelier de Millan. Monsr de Lautrec du vi aoust touschant la prise de possession du cardinal de Medicis de labbaye de Cheraval des rebelles du Milanois. Expert : Madame Mathilde Lalin-Leprevost - mathildelalinleprevost@gmail.com - 06 84 38 90 72